流主他们来到猫头鹰的基地，向康师傅提出请求。可惜，如众人所预期，康师傅断然拒绝营救雪绒．．．然而，锁匙萱这次却站出来质疑康师傅！

        锁匙萱说：「师傅你以为咁样真系对个组织好好咩？」

        康师傅嘲讽：「区区一个被踢出组织嘅低级成员，凭咩质疑我嘅管治方针？」

        「就系凭我系一个低级嘅成员！」锁匙萱沉不住气说：「就系因为我低级，所以我成日都走喺最前线，亦所以我先见到下面战区最真真嘅一面！」

        康师傅瞪着锁匙萱说：「你意思系话我根本咩都唔知？」

        「系！」锁匙萱反应更加激烈：「你一直都只系离地观察，根本无落过去亲眼睇睇实况，你又能够知道啲咩？？你以为只要唔得罪人地，人地就唔会Ga0我地，咁样就系中庸、中立、高人一等．．．但系事实唔系系罗！人地根本只系当猫头鹰系打不还手骂不还口嘅无胆匪类咋！！」

        康师傅说：「只要保护到组织，我地无必要理人地点样睇我地。我地猫头鹰能够成为唯一一个可以喺战区屹立不倒嘅组织，就已经证明左我地嘅实力。」

        「依个只系你一厢情愿嘅肤浅想法咋！猫头鹰到宜家都无事，唔系因为我地嘅实力，而系人地根本懒懒得对付我地，因为佢地知道即使对猫头鹰嘅成员做啲咩，个组织都只会保持沉默！！」锁匙萱激动说

        「我唔在乎人地系咩原因，总之保护到猫头鹰唔会受袭，就证明我一直以嚟与世无争嘅方法系正确！」康师傅语气强y

        孖根忍不住问说：「哼，你保护到猫头鹰？你保护到嘅唔系依个组织，而只系依个地方。你依啲亦唔系与世无争，系b人踩到上心口都唔识反抗。」

        流主也搭话说：「真正嘅与世无争，系你唔会伤害人地嘅同时，亦都唔会b人伤害自己。」

        康师傅不屑说：「你地依啲好似好有道理嘅空话，有边个唔识讲？但系现实系如果有其他组织真系大军袭击我地，我地分分钟连宜家有嘅嘢都无埋。」

        「所以你明知应该救都唔救？」孖根说：「就系因为你有啲咁懦弱嘅谂法，人地先会踩上你心口。依一秒你唔帮身边嘅人出声，因为你以为唔关自己事，到下一秒都你有事嘅时候，你就会发现已经无得再出声。」

        锁匙萱眼神坚定地说：「真正保护到大家同依个地方嘅方法，就系话b所有人知道，我地系一啲都唔好虾！！」

        内容未完，下一页继续阅读